दाङ । नेपाली कांग्रेस दाङले स्थानीय निर्वाचनलाई लक्षित गरी क्षेत्र नं २ (ख) मा कार्यसम्पादन समिति गठन गरेको छ ।
पार्टी क्षेत्र नं. २ (ख) को कार्यालय दाङमा आज बसेको बैठकले पहिलो कार्यसूचिमाथि छलफल गर्दै ‘ कार्यसम्पादन समिति’मा रहने सदस्यको टुङ्गो लगाएको सदस्य टिका डांगीले युथ टुडे न्युजलाई जानकारी दिनु भयो ।
कार्यसम्पादन समितिमा टिका डांगी, भोला बुढाथोकी, गोबिन्द न्यौपाने, विष्णुमती धिताल, लाल बहादुर गिरी, गिरिधर बस्नेत र रमेश रोका रहनु भएको छ ।
बैठकमा स्थानीय तह निर्वाचनका लागि परिचालन समिति गठन गर्ने, स्थानीय तहअनुसारको पार्टीको साङ्गठनिक संरचना मिलाउने, निर्वाचनमा उम्मेदवार चयन गर्ने प्रक्रिया, पार्टीका भ्रातृ एवम् शुभेच्छुक संस्थालाई निर्वाचनमा परिचालन गर्नेलगायत विषयमा छलफल भएको कार्य सम्पादन समितिका सदस्य डांगीले जानकारी दिनु भयो ।
सभापति अभियान बस्नेतको सभापतित्वमा बसेको बैठकले स्थानीय तहको निर्वाचनलाई भयरहित वातावरणमा सम्पन्न गराउन नेपाली कांग्रेसले निर्वाचन आचारसंहिताको परिधिमा रहेर अगाडि बढ्ने निर्णय गरेको छ ।
