बाँके । ‘जनतासँग माओवादी रूपान्तरण अभियान’ अन्तर्गत सत्तारुढ दल नेकपा (माओवादी केन्द्र) ले तीन महिने अभियान भदौ १६ गतेबाट सुरु गर्ने भएको छ । उक्त कार्यक्रमको तयारी पुरा भएको नेकपा माओवादी केन्द्र बाँकेले शुक्रवार पत्रकार सम्मेलन गरेर जनाएको छ ।
अभियानमार्फत ‘घरघरमा माओवादी, जनजनमा माओवादी’को नारा दिएर माओवादी केन्द्र जनतासमक्ष पुग्न लागेको हो । अभियानको अध्यक्ष पुष्पकमल दाहाल प्रचण्डले शनिवार उद्घाटन गर्दैछन् ।
कार्यक्रम अन्तर्गत माओवादीले केन्द्रीय सदस्यहरूलाई वडा तहसम्म पठाइ सकेको छ । पत्रकार सम्मेलनमा बोल्दै माओवादी केन्द्र बाँकेका संयोजक नरेन्द्र पाण्डे "जेम्स" ले अभियान मार्फत सरकारले सुशासन, समृद्धि र सामाजिक न्यायको क्षेत्रमा गरेका काम कारबाहीहरूको जानकारी गराउने लक्ष्य माओवादीले लिएको जानकारी दिए ।
अभियानका बाँके इन्चार्ज एवं पुर्व मुख्यमन्त्री कुल बहादुर केसीेले पुराना माओवादीहरुलाई पार्टीमा फर्काउने र पार्टीलाई बलियो बनाउन रुपान्तरण गरेर लिएर जाने बताए । उनले अभियान अन्तर्गत अध्यक्ष प्रचण्ड चन्द्रागिरि नगरपालिकाको वडा नम्बर २ को घट्टेडाँडा पार्कबाट जुम मार्फत अभियानको उद्घाटन गर्ने जनाकारी दिए । बाँकेमा अभियान सफल बनाउन केन्द्रीय सदस्यहरुलाई पालिका स्तरमा खटाइएको पत्रकार सम्मेलनमा जानकारी गराएका थिए ।
यस्तो छ माओवादी केन्द्र बाँकेको कार्ययोजना :
