बाँके । नेकपा माओबादीकी नेता कल्पना शर्माले नेपालगंज उपमहानगरिपालिका वडा नं ५ को वडा अध्यक्षमा उम्मेदवारी दर्ता गराउनु भएको छ । नेता शर्माले आज आगामी बैशाख ३० गते हुने स्थानीय चनावको लागि स्वत्रन्त्रबाट उम्मेदवारी दर्ता गराएका हुन् ।
नेकपा माओबादी केन्द्र नगर समितिले मनोमानी तरिकाले टिकट वितरण गरे पछि बाध्य भएर स्वतन्त्र रुपमा उम्मेदवारी दर्ता गराउनु परेको जिकिर गर्नु भयो ।
युथ टुडे संग फोनमा कुरा गर्दै शर्माले भन्नुभयो, टिकट दिएर फिर्ता लिए पछि आफूलाई अपहेलित गरेको अनुभूति भए पछि स्थानीय कार्यकर्ताहरुको आग्रहमा उम्मेदारी दर्ता गरेको जिकिर गर्नु भयो । व्यक्तिगत स्वार्थका नाममा पुराना कार्यकर्तालाई चुनाव लडनबाट बन्चीत गरी गर्न खोजेको भन्दै स्वतन्त्रबाट उम्मेदवारी दिएको बताउनु भयो ।
उहाँले पार्टीले गरेको मनोमानी तरिकाको निर्णयका विरुद्धमा पार्टी भित्र नै संघर्र्ष गर्ने बताउनु भयो । यता माओबादीको नगर समितिले वडा स्तरमा सिफारीश भएर आएका नामहरु मथि सुक्ष्म रुपमा अध्ययन गरी टिकट दिएको दाबी गरेको छ । पार्टी स्रोतका अनुसार कसैलाई बिभेद हुने गरी निर्णय नगरिएको बताउदै स्वतन्त्र रुपमा उम्मेदवारी दिन कसैलाई पार्टीले अंकुश नलगाएको बताएको छ । पार्टी निर्णय विपरीत उम्मेदबारी दिने पार्टीको विधान बमोजिम कारवाही गर्ने पार्टीले तयारी गरेको छ ।
