बाँके । बोर्डर आउट पोस्ट (बीओपी) नरैनापुर र कटकुइयाको कार्यालय प्रमुखको रुपमा आउनु भएका प्रहरी निरीक्षक नन्दकिशोर महतो, र दयाराम पौडेललाई एक कार्यक्रमका बीच नरैनापुर गाउँपालिकाका अध्यक्ष इश्तियाक अहमद शाहले स्वागत गरेका छन ।
प्रहरी निरीक्षक महतो स्वागत कार्यक्रममा बोल्दै नरैनापुर क्षेत्रमा हुने अपराधलाई न्युनिकरणका लागि स्थानिय सरोकारवालाहरुसंगको समन्वय र सहकार्यमा कृयाशिल हुने र नरैनापुरको शान्ती सुरक्षालाई चुस्त राख्नमा आफु सदैव प्रतिबद्ध हुने बताए ।
मधेसी र मुस्लिमको बस्ती भएको ठाउमा बिकासको गति बढाउनका लागि अभियान संचालन गर्ने सोच भए पनि शान्ती सुरक्षाका दृष्टिले चुनौतीपुर्ण हुने भएकोले नरैनापुर सुरक्षाका हिसावले जोखिमयुक्त ठाउको रुपमा हेरिएको बताउदै कटकुइया बिओपिका प्रमुख प्रहरी निरीक्षक पौडेलले सबै पक्षको समन्वय र सहकार्य भएको अवस्थामा जस्तो सुकै कृयाकलापहरुको न्युनिकरण र नियन्त्रण हुने कुरामा बिश्वास ब्यक्त गर्नु भएको थियो ।
नरैनापुर गाउँपालिकाका अध्यक्ष इश्तियाक अहमद शाहले नरैनापुरमा हुने गैर कानुनी कृयाकलापहरुको निराकरणको लागि नरैनापुरबासीबाट सदैव सहयोग हुदै आइरहेको जानकारी गराउनु भएको थियो । अध्यक्ष शाहले नरैनापुर क्षेत्रमा हुने अबैध कृयाकलापहरुको अन्त्य गर्न नसकेपनि न्युनिकरण गर्नमा नव आगन्तुक प्रहरी निरीक्षक द्वय महतो र पौडेलको नेतृत्वमा रहेको सुरक्षा प्रशासनको महत्वपुर्ण भुमिका रहने बिश्वास ब्यक्त गर्दै अवैध कृयाकलाप हुने र हुन सक्ने क्षेत्रहरुको पहिचान गरी कडाईका साथ सुरक्षा गस्ती बढाउनु पर्नेमा सुझाव दिनु भएको थियो । अध्यक्ष शाहले प्रहरी निरीक्षकद्वयलाई नरैनापुरको डायरी हस्तान्तरण गरेका थिए ।
