बाँके । नेकपा (एकीकृत समाजवादी) बाँकेको ८औं जिल्ला अधिवेशन यही बैशाख २० गते हुँदैछ। अधिवेशन नजिकिँदै गर्दा जिल्ला सचिव पदका लागि प्रतिस्पर्धा तीव्र बन्दै गएको छ। हालसम्म तीन जनाले सचिव पदमा आफ्नो उम्मेदवारी प्रस्तुत गरिसकेका छन् – शिव प्रसाद डाँगी, टेकेन्द्र मल्ल, र करिश्मा योगी।
करिश्मा योगी, पत्रकारिता व्यवसाय हुँदै सक्रिय राजनीतिमा प्रवेश गरेकी नेतृ हुन्। उनी यसअघि पार्टीको प्रचार विभाग संयोजकको जिम्मेवारी सम्हालिसकेकी छन्। यस पटक उनले महिला सचिव भएर महिला, दलित र पिछडिएको वर्गलाई राजनीतिमा अवसर प्रदान गर्नुपर्ने स्पष्ट अभिव्यक्ति दिएकी छन्।
योगी भन्छिन्, “राजनीतिक नेतृत्वमा विविधता आवश्यक छ। महिलाले नेतृत्व तहमा पुगेर मात्र समान प्रतिनिधित्व सम्भव हुन्छ। अबको नेतृत्वले पछाडि पारिएका वर्गलाई सशक्त बनाउने नीति लिनुपर्छ।”
उनले पार्टीभित्रको लामो सक्रियता, सांगठानिक क्षमता र समावेशी दृष्टिकोणलाई आधार बनाएर सचिव पदमा आफ्नो दाबी प्रस्तुत गरेकी छन्।
त्यस्तै, टेकेन्द्र मल्ल विद्यार्थी राजनीतिबाट स्थापित भएका युवा नेता हुन्। हाल अनेरास्ववियु लुम्बिनी प्रदेश अध्यक्ष र बाँके जिल्ला सचिवालय सदस्य रहेका मल्लले पार्टीलाई नयाँ उचाइमा पुर्याउन नयाँ योजना आवश्यक भएको बताए। “सिर्फ विचारले होइन, योजनाले पार्टी चल्छ। युवाले अब नेतृत्व सम्हाल्नुपर्छ,” मल्लको भनाइ छ।
उनले हाल नेतृत्व गरिरहेको सुशील कोईराला प्रखर क्यान्सर अस्पताल विकास समिति अन्तर्गत ब्लड बैंक स्थापना तथा कर्मचारीका लागि सार्वजनिक बस सेवा सञ्चालन जस्ता कार्य सम्पन्न गरिसकेका छन्।
शिव प्रसाद डाँगी, कोहलपुर नगर कमिटी अध्यक्ष तथा नमस्ते नेपाल यातायात व्यवसायी प्रा.लि. का कोषाध्यक्ष हुन्। लामो समयदेखि शैक्षिक र सामाजिक क्षेत्रमा सक्रिय डाँगीले संगठन सुदृढीकरण, स्थानीय समस्याको समाधान र निर्वाचनमा पार्टीको जित सुनिश्चित गर्न आफू सक्षम रहेको बताएका छन्।
तीनवटै उम्मेदवार आ-आफ्नो अनुभव, योजना र दृष्टिकोणसहित मैदानमा छन्। बाँकेको सचिव पदका लागि यो प्रतिस्पर्धा निकै रोचक बन्दै गएको छ।
अन्ततः, नेतृत्व कसले सम्हाल्ने भन्ने निर्णय अब केही घण्टामै सम्पन्न हुने ८औं जिल्ला अधिवेशन (बैशाख २० गते) बाट हुने छ।को सचीव भन्ने टुङ्गो भने लागि सकेको छैन यी ३ जना वा अरु आउँछन् यो ८औं जिल्ला अधिवेशनका प्रतिनिधि र आयोजक जिल्ला कमिटीले तय गर्ने छ।
