बाँके । बाँकेको नरैनापुर संग सिमाना जोडिएको भारतको बघौडा ताल देखि ५ किलोमिटर अगाडि राजपुर मोडमा आज राति ८ बजेर ३० मिनेटमा ट्रेक्टर र मोटरसाइकल ठोकिदा मोटरसाइकलमा आगलागी भएको छ । दुर्घटनामा खासकुश्मा ६ बाँके घर भएका मोटरसाइकल चालक गोबर्धन घर्तिको घटना स्थलमा मृत्यु भएको छ । 
मोटरसाइकलमा आगलागी हुँदा दुईजना घाइते भएको भारतीय प्रहरीले जनाएको छ । 
मंगलबार भारतबाट नेपालको भौवा नाका तर्फ जादै गरेका रा ४ प ७६५ नम्बरको मोटरसाइकल भारतीय ट्रेक्टरमा एकापसमा ठोकिएर दुर्घटना हुँदा मोटरसाइकलमा आगलागी भएको बघौडा बजारका व्यापारी मोहम्मद इबरारले जनाकारी दिनु भयो।
घाइतेहरुको जिल्ला अस्पताल भिन्गामा उपचार भएरहेको छ भने घाइतेहरुको नेपाली भए पनि उनीहरूको पुर्ण विवरण आउन नसकेको भारतीय प्रहरीले जनाएको छ भने मृतकलाई पनि भिन्गा अस्पताल राखिएको छ । भारतीय प्रहरीले परिवारलाई खबर गरिन युथ टुडे संग आग्रह गरेको छ । 
