साहिल शेष (ताहिर)
बाँके । युथ ब्लड डोनर्स गुलरिया, द वर्ड फेडेरेशनको संयुक्त आयोजनामा इमाम हुसैन (अ. स.) रक्तदान कार्यक्रम आज सम्पन्न भएको छ ।
नेपाल रेडक्रस सोसाइटी ब्लड बैंकको प्रांगणमा डा. मौलाना जैनुल अब्दीनको अगुवाइमा नेपालमा पहिलो पटक रक्तदान कार्यक्रमको आयोजना गरेको हो ।
भेरी अस्पताल वा अन्य अस्पतालमा विभिन्न जिल्लाबाट विभिन्न रोगको उपचार तथा शल्यक्रिया गर्दा दुर्घटना हुँदा र महिलाहरुको प्रसुती बेला रगत अत्यावश्यक हुने र रगतको अभावलाई केही हदसम्म नियन्त्रण गर्ने उद्देश्यले रक्तदान कार्यक्रमको आयोजना गरिएको सिया मुस्लिम सादाब हुसैनले जानकारी दिनुभयो ।
सोहि रगतको अभावले अकाल मै ज्यान गुमाउनबाट बचाउनको लागि रगत नभई नहुने र त्यसकारण आफुले गरेको रक्तदानले कसैको ज्यान जोगिन्छ भने त्यो महान पुण्य कार्य भएको सिया धर्मगुरु डा. मौलाना जैनुल आब्दीनले सबैलाई रक्तदान गर्न आग्रह गर्नुभयो ! साथै त्यस कारण रक्तदान गर्दा शरीरलाई कुनै पनि हानीनोक्सानी र कमजोरी न हुने बताउनु भयो ।
उक्त कार्यक्रममा हिन्दु धर्मगुरु चन्दन नाथ योगी, नेपाल मोहरर्म पर्व तथा कर्बला व्यवस्थापन समितिका अध्यक्ष मेराज हिमाल, मुस्लिम अगुवा भोला सिद्दिकी, कदीर अन्सारी लगायत करीब साठ्ठी जनाको सहभागिता रहेको थियो ! सो कार्यक्रममा करीब ६० पिण्ट रगत संकलन भएको आयोजकले बताए ।
