कोहलपुर । बाँकेको कोहलपुर नगरपालिकामा अतिक्रमण गरिएका टहराहरु हटाउन सुरु गर्न लागेपछि डोजरमाथि ढुङ्गा प्रहार गरी स्थानीयहरुले लखेटेका छन् ।
सोमबार कोहलपुर न्यूरोडमा अतिक्रमण गरि बनाइएका टहराहरु हटाउन मेयर पूर्ण प्रसाद आचार्य सहितको टोलीलाई लखेटेको प्रत्येक्ष दर्शीहरुले बताए ।
न्यूरोडमा रहेको कोहलपुर खाजा घर, मिठाइ पसल गरी दुई वटा अतिक्रमण गरिएका टहराहरु भत्काएपछि बसपार्क पुगेका डोजरमाथि ढुङ्गा प्रहार गरी स्थानीयहरुले लखटेका छन् ।
स्थानीय महिलाले हातमा चिर्पट, भाला लिएर प्रदर्शन गर्दै हिन्दु नारीहरुको महान पर्व हरितालिका तीजको पुर्वसन्ध्यामा बस्तिको कुनै व्यवस्थापन नगरी डोजर लगाउनु खोज्ने मेयर आचार्य मानव अधिकार बिरोधी भएको आरोप लगाउदै स्थानीयहरुले आफुहरु बिकासको बिरोधी होइन आफुहरुलाई उचित व्यवस्थापन गरेर डोजर लगाए साथ दिने बताए । व्यवस्थापन नगरी डोजर लगाएर ठिक नहुने स्थानीयहरुले धम्कि दिएका छन् ।
यता मेयर आचार्यले फेसबुक मार्फत भुमाफियाहरुले कब्जा गरेको जमिन हटाउनका लागि कोहलपुरका सचेत नागरिकहरुलाई उपस्थित भइदिन आग्रह गर्नु भएको छ ।
