बाँके । जानकी गाउँपालिकामा नयाँ प्रमुख प्रशासकीय अधिकृतको रुपमा सिंहराज डाँगी कार्यालयको समय सके पछि आज सोमबार ५ बजेर ३३ मिनेटमा हाजिर भएका छन् ।
जानकी गाउँपालिकाको बिकास निर्माणमा महत्वपूर्ण भूमिका निर्वाह गर्नु भएका प्रमुख प्रशासकीय अधिकृत बस बहादुर रानाको डुडुवा गाउँपालिकामा सरुवा भएको जानकी गाउँपालिकाले जनाएको छ ।
डाँगीलाई राप्ती सोनारीबाट सङ्घीय मामिला तथा सामान्य प्रशासन मन्त्रालयले सरुवा गरेको हो । प्रमुख प्रशासकीय अधिकृत बस बहादुर रानाले कार्यालयको काम सकेर कर्मचारीहरु संग छलफल गरिरहेका बेला बेलुका ५ बजेर ३३ मिनेटमा जानकी गाउँपालिकामा उपस्थित भएका प्रमुख प्रशासकीय अधिकृत सिंहराज डाँगीले कार्यालय समय सके पछि गाउँपालिका अध्यक्ष छब्बन खाँको तोका आदेश गराइ रजिष्टर मगाएर आफै हाजिर गरेका थिए ।
हाजिर भए पछि डाँगीलाई गाउँपालिका अध्यक्ष छब्बनले आफै हाजिर भए पनि नियमानुसार केहि दिन भित्रै स्वागत र विदाई कार्यक्रम गर्ने बताए
जानकी गाउँपालिकाको वडा नं ५ को वडा अध्यक्ष टिका नाथ यादवले सेवा ग्राही र कर्मचारी बिचको सम्बन्ध बलियो बनाएर अगाडि बढ्न सुझाव दिए ।
शिक्षक राजु यादव, गाउँपालिकाका अध्यक्षका परामर्शदाता सोहराब अलि दर्जि लगायतले बधाई दिएका थिए ।
