विनय पाठक
काठमाडौ । नेपाली काँग्रेसका सभापति शेरबहादुर देउवा नेतृत्वमा सरकार बनेसँगै माओवादी केन्द्रका अध्यक्ष पुष्पकमल दाहाल प्रचण्डले मन्त्रीहरुको नामावली तयार गरी सिफारीश गरेका छन् । स्रोतका अनुसार बिकास प्रेमी ए्ंव जनप्रिय नेता बाँकेका साँसद महेश्वर गहतराज अथक भूमि व्यवस्था,सहकारी तथा गरिबी निवारण मन्त्री बन्ने भएका छन् ।
देउवा सरकारमा अहिले माओवादी केन्द्रबाट जनार्दन शर्मा अर्थमन्त्री र पम्फा भुसाल ऊर्जामन्त्री छन् । सरकारमा कुन पार्टीले कुन कुन र कतिवटा मन्त्रालय लिने भन्ने विषय टुंगो लागेको छैन । तर, हालसम्म कांग्रेस ८, माओवादीले ७ र बाँकी जनता समाजवादी पार्टी र जनमोर्चासहित माधव नेपाल पक्ष सरकारमा आएको खण्डमा दिने तयारी छ ।
यसअनुसार माओवादीबाट अब ५ जना मन्त्री बन्नेछन । माओवादीका अध्यक्ष प्रचण्डको निवास पुग्नेहरु अहिले मन्त्री पदकालागि लबिङ गरीरहेका छन । जसमध्ये बाँकेका साँसद महेश्वर गहतराज अथकको नाम समेत चर्चामा रहेको छ . पश्चिम नेपालको प्रतिनिधित्व हुनेगरी अथकलाई मन्त्री पाउनेमा बाँकेवासीहरु ढुक्क छन ।
माओवादीले अहिलेको सरकारमा खड्गप्रसाद ओली नेतृत्वको सरकारमा सहभागी नभएकाहरुमध्येबाटै मन्त्री बनाउने विधि बनाएका छन् । बाँकी मन्त्रालयमध्ये कुन पार्टीले कुन मन्त्रालय सम्हाल्ने भन्ने विषयमा भने गृहकार्य भइरहेको छ ।
