बाँके । स्थानीय तहको निर्वाचनका लागि नेपालगञ्ज उपमहानगरपालिका वडा नं ४ को अध्यक्षमा राप्रपाबाट इन्दिरा शाहीले मनोनयन दर्ता गरि घरदैलो अभियानमा सक्रिय भएर लाग्नु भएको छ ।
नेपालगञ्ज उपमहानगरपालिका वडा नं ४ कि अध्यक्ष इन्दिरा शाहीले महिलाहरुको उत्थानका लागि आफ्नो उम्मेदवारी भएको बताउनु भयो । उहाँ केही वर्षदेखि राजनीतिमा सक्रिय रहनु भएको छ । आफू निर्वाचित भएमा विकास निर्माण साथै पिछडिएका महिला दिदी बहिनीको स्तर उकास्ने कामलाई प्राथमिकता दिने बताउनु भयो ।
२०७४ मा भएको स्थानीय निर्वाचनमा राप्रपाबाट नेपालगञ्ज उपमहानगरपालिका बडा नं ४ को महिला सदस्यमा निर्वाचित हुनुभएको थियो । उहाँ निर्वाचित भए पछि जनताको घरदैलोमा गएर सेवा प्रदान गर्नु भयो ।
वडा सदस्यबाट कार्यपालिका सदस्य भएर वडाको बिकास निर्माणमा अव्हरात्र खटदै जनताको सेवा गर्न कुनै कन्जुस्याइँ नगरि आगाडि बढ्नु भयो । उहाले कोरोनाको समयमा कोरोना संक्रमितका लागि बडाले संचालन गरेको आइसोलेसनमा संक्रमितहरुको सेवा गर्दागर्दै आफै कोरोना संक्रमित हुन पुग्नु भएको थियो ।
महिलाले नेतृत्व गर्न सक्दैन भन्ने भनाईलाई चिर्दै एउटा सफल नेतृत्व कर्ता को पहिचान बनाउनु भएको इन्दिरा शाही वडा नं ४ को जनताको मनमनमा बस्न सफल हुनुभएको छ । स्थानीय भन्छन्, इन्दिरा बाहेक अरुको बिकल्प छैन । उहाँले कष्टपूर्ण समयमा समेत निस्वार्थ भावले सेवा गरेले जनताले इन्दिरालाई निर्वाचित गराउने बताउनु भयो ।
यता वडा अध्यक्ष कि उम्मेदवारी शाहि आफु निर्वाचित भए वडामा बाँकी रहेको काम पुरा गरेर देखाउने प्रतिवद्धता व्यक्त गर्नु भएको छ ।
