बाँके । बाँकेको नरैनापुरमा एक दिने निशुल्क स्वास्थ्य शिविर सम्पन्न भएको छ ।
नरैनापुर गाउँपालिकामा उषा सिद्धार्थ मेडिकल, समृद्ध प्याथोलोजि, स्वागत फार्मेसी र शिफा प्याथोलोजिको संयुक्त आयोजनामा भएको कार्यक्रममा २५० जनाको स्वास्थ्य परीक्षण गरिएको थियो । 
भेरी अस्पतालमा कार्यरत हाड जोर्नी नशा तथा बाथरोग विशेषज्ञ डाक्टर सैयद सद्दमले बिरामीहरुको स्वास्थ्य परीक्षण गर्नु भएको थियो । भने कार्यक्रमको उद्घाटन गाउँपालिका अध्यक्ष इस्तियाक अहमद शाहले गर्नु भएको थियो । अध्यक्ष शाहले बिशेषज्ञ डाक्टरहरुबाट जसरी आज शिविर आयोजना गरिएको छ त्यसरी नै आउने दिनमा पनि शिबिर राख्न आग्रह गदै गाउपालिकाले शिबिर संचालनका लागि आवश्यक परे बजेटको व्यवस्थापन गरिने जिकिर गर्नु भएको थियो ।
