एजेन्सी । बंगलादेशकी प्रशिध्द अभिनेत्री पोरीमोनी विरुध्दको अभियोगको सुनुवाइ कात्तिक २९ गते तोकिएको छ।
ढाका अदालतले अभिनेत्री पोरीमोनीविरुध्दको अभियोगको सुनुवाइका लागि कात्तिक २९ गते तोकिएको हो।
ढाकाको एक अदालतले लागुऔषध नियन्त्रण ऐन अन्तर्गत परेको मुद्दामा अभिनेत्री पोरीमोनी र उनका दुई सहयोगीलाई मंगलबार जमानत दिएको थियो । उनीहरु विरुध्दको आरोप पत्र स्वीकृतिका लागि मङ्सिर १५ गते सुनुवाइ हुने भएको छ ।
तीनै जनाले अदालतमा आत्मसमर्पण गरी जमानत मागेपछि ढाका महानगरीय अदालतका कार्यवाहक न्यायाधीश रबिउल आलमले उक्त आदेश दिएका हुन् ।
यसअघि ढाकाका महानगरीय मजिस्ट्रेट सत्तब्रत शिक्दारले पोरीमोनी र अशरफुललाई यो मुद्दामा जमानत दिएका थिए।
अपराध अनुसन्धान विभाग ९सीआईडी०ले असोज ४ गते पोरीमोनीसहित अन्य दुईविरुद्ध मुद्दा दायर गरेको थियो ।
पोरीमोनीलाई गत साउन ४ गते उनको ढाका स्थित निवासमा छापा मारेर पक्राउ गरिएको थियो ।
भोलिपल्टै उनीविरुद्ध लागुऔषध नियन्त्रण ऐन अन्तर्गत मुद्दा दायर गरिएको थियो ।
उनलाई एक दिनको प्रहरी हिरासत सकिएपछि अदालतमा हाजिर गराई जेल पठाइएको थियो।
