काठमाडौँ : प्रदेश १ मा एकीकृत समाजवादीका नेता राजेन्द्र राई नयाँ मुख्यमन्त्री बन्दै छन्। सोमबार दिउँसो प्रदेश प्रमुख सोमनाथ अधिकारी समक्ष सांसदहरूले राईको नेतृत्वमा नयाँ सरकार गठनका लागि दाबीपत्र बुझाएका हुन् । आज नयाँ मुख्यमन्त्रीको रुपमा एकीकृत समाजवादीका नेता राईले शपथ लिदै छन् ।
प्रदेश प्रमुख अधिकारीले पत्र बुझ्दै आज दिउँसो २ बजेका लागि शपथ ग्रहणको समय तोकेका छन्। यसअघिका मुख्यमन्त्री एमालेका नेता भीम आचार्यले सोमबार राजीनामा दिएपपछि गठबन्धन दलका सांसदहरूले नेकपा एकीकृत समाजवादीका नेता राजेन्द्र राईको नेतृत्वमा नयाँ सरकार गठनका लागि प्रदेश प्रमुख सोमनाथ अधिकारीसमक्ष दाबी पेस गरेका थिए । एकीकृत समाजवादीका संसदीय दलका नेता समेत रहेका उनले प्रदेश प्रमुख समक्ष ५० सांसदको हस्ताक्षरसहित मुख्यमन्त्रीमा दाबी पेस गरेका हुन् ।
