बाँके । नेपालगन्जका चर्चित समाजसेवी तथा हाल अमेरिका बसोबास गर्दै आइरहेका राजा खानले दावते इस्लामी नेपाललाई समर सिबल जडानका लागि रु. १ लाख नगद आर्थिक सहयोग प्रदान गरेका छन् ।
सामाजिक कार्यमा सक्रिय राजा खानले उक्त सहयोग धार्मिक तथा सामुदायिक सेवाका लागि प्रदान गरेको बताएका छन् । मस्जिदमा स्वच्छ पानीको उपलब्धता सुनिश्चित गर्न तथा समुदायका भक्तजनहरूलाई सुविधाजनक वातावरण प्रदान गर्न उनले सहयोग गरेका हुन्।
सहयोग हस्तान्तरण गर्दै राजा खान नेपालगन्जका प्रतिनिधि तथा नेपालगन्ज टेलिभिजन का अध्यक्ष इरफान अलि (अरसद) ले “समाजमा सकारात्मक परिवर्तन ल्याउन र धार्मिक तथा सामुदायिक संस्थाहरूलाई प्रवर्द्धन गर्न खान सहयोग गर्दै आउनुभएको छ ।"
दावते इस्लामी नेपालका प्रतिनिधिहरूले राजा खानको सहयोगप्रति आभार व्यक्त गर्दै भने, “यो योगदान हाम्रो संस्थाका लागि महत्वपूर्ण छ। यसले धार्मिक गतिविधि सञ्चालनमा सहजता ल्याउनेछ।”
राजा खान नेपालगन्जको निरन्तर समाजसेवा र उदार सहयोगले नेपालगन्जमा सामाजिक सद्भाव र सहयोग संस्कृतिलाई प्रवर्द्धन गरिरहेको छ। स्थानीय बासिन्दाहरूले उनको सामाजिक कार्यको प्रशंसा गर्दै भविष्यमा पनि यस्ता कार्यहरू जारी रहने विश्वास व्यक्त गरेका छन्।
