बाँके । बाँकेको नेपालगञ्ज उपमहानगरपालिकाको वडा नं ११ मा हात्तीपाइले रोग विरुद्धको औषधी खुवाउने कार्यको चौथो दिन सम्म आईपुग्दा ११ नम्बरमा औषधि सेवन गर्नेको संख्या बढेको छ । ।
कुल ६ हजार ८ सय ३२ जनसंख्या रहेको वडामा स्वास्थ्यकर्मी र जनप्रतिनिधिको सक्रियताले अव भने अभियान सफलताको पूर्व सन्ध्यामा वडा पुग्न लागेको आधारभुत स्वास्थ्य सेवा केन्द्रका प्रमुख कबिता लामिछानेले बताउनुभयो ।
नगरको स्वास्थ्य शाखामार्फत सञ्चालित अभियानमा केन्द्रका प्रमुख कबिता लामिछानेले औषधि सेवनको अवस्थाका बारेमा अनुगमन गर्ने क्रममा औषधि सेवन गर्नेहरुमा उत्साह देखिएको जिकिर गर्नु भयो ।
अघिल्ला वर्षहरुमा औषधिप्रति भएको भ्रम हट्दै गएको पाइएको उहाँको भनाइ थियो ।
११ नम्बर वडामा ११ सय जनाले औषधि सेवन गरेको प्रमुख कबिताले बताउनु भयो । वडा नम्वर ११ को घरदैलो अभिायन मार्फत सो वडामा औषधि सेवन गराउने कार्य जारी रहेकोले औषधि सेवन गर्न सबै संग अपिल गर्नु भयो ।
आजको चौथो दिनको कार्यक्रममा वडा नम्वर ११ मा रहेको नारायण माध्यमिक विद्यालयका बिधार्थीहरु समेत उत्साहित भएर औषधि सेवन गरेको स्वास्थ्यकर्मी मनिषा कनोजियाले जानकारी दिनु भयो । नारायण माध्यमिक विद्यालयमा औषधि सेवन गराउन वडा अध्यक्ष उज्ज्वल सिंह राठौर, सचिव केदार प्रसाद अधिकारी, सहित जनप्रतिनिधिहरु पुग्नु भएको थियो । नेपालगञ्ज ११ को स्वास्थ्य केन्द्का प्रमुख कविताले बुधबार बरकातिया स्कुलमा औषधि खुवाउने कार्यक्रम रहेको बताउदै औषधि सेवन गर्न सबै संग अपिल गर्नु भयो ।
