बाँके । बाँकेको जानकी गाउँपालिकामा नेपाली कांग्रेस विजयी भएको छ । एमालेको विरासत भत्काउँदै जानकीमा कांग्रेस विजयी भएको हो । कांग्रेसका छब्बन खाँ अध्यक्ष र रामप्यारी यादव उपाध्यक्षमा निर्वाचित भएका हुन् ।
खाँ ६६५३ मतका साथ अध्यक्षमा निर्वाचित भएका हुन् । उनका निकटतम् प्रतिद्वन्दी नेकपा एमालेका हिमान्शु यादवले ४७९५ मत ल्याए । तेस्रो स्थानमा रहेका जनता समाजबादी पार्टी (जसपा) नेपालका राजिब कुमार बर्माले २९३८ मत पाएका छन् ।
यस्तै उपाध्यक्षमा निर्वाचित यादवले ६९०९ मत ल्याइन् । उनकी निकटतम् प्रतिद्वन्दी एमालेकी भूमिसरा धितालले ३४५६ मत पाइन् । तेस्रो भएका नेकपा माओवादी केन्द्रका रक्षाराम कुर्मीले २२२९ मत पाए । यसअघि २०७४ मा जानकीमा एमालेले जितेको थियो ।
