गगन पौड्याल
नेपालगन्ज । आज पाल्पा जन्मस्थल भई बाँके बर्दियामा विभिन्न पेसा व्यवसाय गरि बसेका पाल्पाली दाजुभाइ दिदीबहिनीहरुको नेपालगन्ज स्वस्तिक रेष्टुरेन्टमा भेला सम्पन्न भएको छ । भेलामा उत्साहित रुपमा सहभागिता रहेको छ । आपसी परिचय, सहयोग र हातेमालो गर्ने उदेश्यले आयोजना गरिएको भेलाले जेष्ठ नागरिकको सम्मान गर्ने, आपसी समन्वय र हातेमालो गर्ने, भर्खरै निर्वाचित स्थानीय जनप्रतिनिधिलाई भेटघाट गरि सम्मान गर्ने, पाल्पाली ढाका र खादाको उत्पादनको प्रोत्साहन गर्ने, पाल्पा र पश्चिम नेपालको विभिन्न क्षेत्रमा समन्वयकारी भुमिका निभाउने उदेश्य रहेको र भविष्यमा सामाजिक क्षेत्रमा विभिन्न कार्यक्रम गर्ने जमर्को गरेका छन् । सम्मेलन केन्द्रका संयोजक माधवप्रसाद पोखरेलको अध्यक्षतामा सम्पन्न भएको थियो ।
सम्मेलनले संयोजक पोखरेललाई अध्यक्षतामा सचिवमा थानेश्वर पाण्डे, कोषाध्यक्षमा गंगा पोखरेल लगायत सदस्य र सल्लाहकार समेत १७ जनाको कार्यकारी समिति गठन गरेको छ । समितिले सदस्यता वृद्धि गर्ने, पुरानो पाल्पाली समाजको अनुभव र निर्णय संकलन गर्ने, सदस्यहरुको सम्पर्क नम्बर लिने र समय समयमा बैठक गरि सामाजिक सेवाका योजना बनाउने र केन्द्रलाई बैधानिक रुपमा दर्ता गर्ने निर्णय समेत गरेको छ ।
