नेपालगंज । बाँकेको नेपालगंज उपमहानगरपालिका वडा नं. ७ को कार्यालयमा पुगेर जबरजस्ती जन्मदर्ता बनाउनका लागि वडा अध्यक्षलाई दबाब दिए पछि वडा अध्यक्ष जुम्मन खाँले प्रक्रिया पुरा गरेर जन्मदर्ता बनाउने भने पछि वडा सदस्य किशोर थापाले कार्यकक्षमै अध्यक्ष खाँ माथि आक्रमण गरेको थिए ।
वडा सदस्य किशोर थापाले प्रक्रियालाई मिचेर भए पनि जन्म दर्ता बनाउन र नागरिकता बनाउनका लागि तत्काल सिफारीश दिन वडा अध्यक्षलाई दबाब दिदै तथानम गाली गलौज गरे पछि वडा कार्यालय केही बेर तनाब ग्रस्त बनेको थियो ।
वडा अध्यक्ष खाँका अनुसार वडा सदस्य थापाले आक्रमण गरेका थिए । १४ वर्ष देखि बेपत्ता रहेको व्यक्ति स्थानीय भएकोले जन्म दर्ता बनाउन र नागरिकताका लागि सिफारीश दिन माग गरेको बताइएको छ । वडा अध्यक्ष खाँले प्रक्रिया पुर्याएर सबै काम गरिदिने बताए पनि वडा सदस्य थापाले बनाउन भन्दै आक्रमण गरेका थिए ।
यता अध्यक्ष खाँलाई आक्रमण गर्ने वडा सदस्य थापा सहित महिलाहरुले माफी मागे पछि बिबाद मिलेको थियो । यद्यपि जन्म दर्ता र नागरिकताको सवालमा कानुन बमोजिम काम हुने बडाले जनाएको छ ।
वडा अध्यक्ष जुम्मन खाँ वडाको विकासका लागि अग्रमोर्चामा रहेर काम गर्नुका साथै नागरिक मैत्री सेवा प्रदान गर्दैै आएका छन् । अध्यक्ष खाँ भन्नु हुन्छ कानुनको अधिनमा रहेर नागरिकहरुलाई सेवा प्रदान गर्दै आए पनि केही व्यक्तिहरुले गलत नियतका कारण आफू माथि आक्रमण गरेको जिकिर गर्नु भयो । उहाँले आफू माथि आक्रमण गर्ने व्यक्तिहरु माथि कानुनी कारवाही गर्ने तयारी गरे पनि वडा सदस्य र केहि महिलाले सार्वजानिक रुपमा माफी मागे पछि नैतिकताका आधारमा आफूले माफी दिएको जानकारी दिनु भयो ।
