नेपालगन्ज । बाँके युनेस्को क्लबले प्लान इन्टरनेशनल नेपालसँगको साझेदारीमा सञ्चालन भइरहेको ग्रिन इकोनोमि परियोजना अन्तर्गत बर्दियाको ठाकुरद्धारामा तीन दिने हरित फोटो तथा भिडियोग्राफी तालिम सम्पन्न गरेको छ ।
तालिममा राजापुर नगरपालिका र ठाकुरबाबा नगरपालिकाका २० जना युवा महिलाहरूको सक्रिय सहभागिता रहेको थियो ।
युवा महिलाहरूलाई वातावरण संरक्षण, हरित अर्थतन्त्र तथा जलवायु परिवर्तन सम्बन्धी विषयमा गुणस्तरीय फोटो तथा भिडियो निर्माण गर्ने सीप विकास गरी सशक्त बनाउनु तालिमको मुख्य उद्देश्य रहेको थियो ।
साथै, स्थानीय तहमा रहेका वातावरणीय समस्या तथा हरित पहलहरूलाई दस्तावेजीकरण गर्दै भिडियो स्टोरीमार्फत सरोकारवाला निकाय र स्थानीय सरकारलाई सचेत गराउने क्षमता विकास गर्नु पनि तालिमको लक्ष्य रहेको क्लबले जनाएको छ ।
सो तालिमको क्रममा प्लान इन्टरनेशनल नेपालको क्षेत्रीय कार्यालय, सुर्खेतका कार्यक्रम विशेषज्ञ झलकमान विश्वकर्माले अनुगमन भ्रमण गर्नुभएको थियो । अनुगमनका क्रममा उहाँले सहभागी युवतीहरूलाई उत्साह प्रदान गर्दै यो तालिम उनीहरूको व्यवसाय प्रवद्र्धन र प्रचार–प्रसारका लागि अत्यन्त उपयोगी हुने बताउनुभयो ।
तालिमको समापन सत्रमा बाँके युनेस्को क्लबकी फिल्ड सुपरभाइजर संजिता रिजालले सहजीकरण गर्नुभएको थियो । तालिमका सहभागीहरू पूजा कुस्मा थारु र अस्मिता कुमारी चौधरीले तालिमले हरित फोटो तथा भिडियोग्राफीसम्बन्धी आफ्नो ज्ञान र सीपमा उल्लेखनीय वृद्धि भएको बताउनुुभयो ।
उहाँहरूले सिकेका सीपहरू डिजिटल प्लेटफर्ममार्फत आफ्नो व्यवसाय प्रवद्र्धन तथा विस्तारमा प्रयोग गर्ने प्रतिबद्धता समेत व्यक्त गर्नुभयो ।
त्यसैगरी, तालिमका अधिकांश सहभागीहरूले सो अवसरमा वातावरण संरक्षण, जलवायु परिवर्तन जस्ता विश्वव्यापी मुद्दामा जनचेतना अभिवृद्धि गर्न हरित दृश्य सामग्री उत्पादन गर्ने र प्रमाणमा आधारित सामग्रीमार्फत स्थानीय सरोकारवालालाई संलग्न गराउने बताउनुभयो ।
सो तालिम सुमित घिसिङले प्रदान गर्नुभएको थियो भने परियोजना प्रमुख राधेकृष्ण थारुले परियोजनाका उद्देश्यबारे जानकारी गराउँदै सिकेका सीपको अधिकतम उपयोग गर्न अनुरोध गर्नुभयो ।
तलिमको व्यवस्थापनमा क्लबका फिल्ड सुपरभाइजरहरू संजिता रिजाल र कञ्चन दहितले सहयोग पु¥याउनुभएको थियो ।
