बाँके । बाँकेको नरैनापुरमा आपराधिक घटना बढे पनि प्रहरी सक्रियता भने बढ्न सकेको छैन । नरैनापुरमा चोरीका घट्ना बढ्न थालेपछि स्थानीयमा त्रास बढेको छ ।
केही समययता नरैनापुरको सुरक्षा व्यवस्था बिग्रिँदै गएको सरोकारवाला बताउँछन् । चोरी र लुटपाटका घटना भइरहँदा पनि सुरक्षा निगरानी बढ्न सकेको छैन । चोरीमा संलग्नहरूलाई प्रहरीले पक्राउ गर्न नसक्दा यस्ता घटनाहरू गाउँमा बढ्न थालेको स्थानीयको गुनासो छ ।
बिहिबार राति नरैनापुर गाउँपालिका वडा नं १ मंझरेटी गाउँमा मोहम्मद खलिल तेलीको घरमा चोरी भयो । ताल्चा नै तोडेर अज्ञात समूहले दराज र बक्सा भित्र राखिएको एक लाख नगद र ४ लाख २० हजार रुपियाँ बराबरको सुन चोरी गरेर फरार भए । चोरी भएको बारेमा जानकारी गराउद पनि इलाका प्रहरी कार्यालय भगवानपुरले कुनै चासो नदिएको स्थानीयहरुले आरोप लगाएका छन् ।
नेपाल प्रहरीको चौकी देखि ५ सय मिटरको दुरीमा चोरी हुँदा समेत प्रहरी मौन बस्नुले स्थानीयलाई त्रासीत बनाएको स्थानीय मोहम्मद खलिल तेलीले बताए ।
यता खुला सिमानाको फाइदा उढदै नरैनापुरमा तस्करी समेत बढेको छ । तस्करी र चोरीलाई समयमा नियन्त्रण नगरिए अपराधीक घटना बढ्न सक्ने जानकारहरु बताउँछन् ।
