बाँके । नेपालगञ्जमा अचार बनाउने सिपमूलक पाँच दिने तालिम सम्पन्न भएको छ ।
नेपालगञ्ज ४ को आर्थिक सहयोग र त्रिनेत्र समुह नेपालको आयोजनामा गरिएको तालिममा कागती, मासु,गाजर, काउली, बन्दा, खुर्सानी लगायत मिक्स गरी बिभिन्न किसिमको अचार बनाउन तालिम दिइएको थियो । तालिममा सहभागी महिलाहरुका लागि तालिमले आय आर्जन गर्न सहयोग पुयाउने आयोजक संस्था कि अध्यक्ष सुशिला पौडेलले बताउनु भयो ।
समापन कार्यक्रमका प्रमुख अतिथि नेपालगञ्ज ४ का वडा अध्यक्ष मोहम्मद सफिक बेहनाले सिकेको सिपलाई ब्यबहारमा खरो उतारेर ब्यबसायिक बन्न तालिमका सहभागीहरुलाई आग्रह गर्नुभयो । उहाँले निकट भविष्यमा हुने निर्वाचनमा आफु निर्वाचित भए महिलाहरुका लागि अझ राम्रो तालिमको व्यवस्था गर्ने बताउनु भयो ।
वडा सदस्य मेनका वैधले सहभागीहरुले सिकेको सिप लाई ब्यहारमा प्रयोग गर्दे सके ब्यबसायीक बन्नुपर्ने नसके आफुले खाने अचार आफैले बनाएर खानुपर्ने बताउनु भएको थियो ।
समापन कार्यक्रममा वडा सचिव राजकुमार कार्की, लेखापाल हिरा सिंह डाँगी, राप्रपाका नेता रबि बर्मा लगायतको सहभागिता रहेको थियो ।
