काठमाडौं । निर्वाचन आयोगले हालसम्म स्थानीय तह निर्वाचनको आचारसंहिता उल्लंघन गर्ने ६६ जनालाई स्पष्टीकरण सोधेको छ ।
आयोगका सहायक प्रवक्ता सूर्यप्रसाद अर्यालले आचारसंहिता लागु भएयता ६६ जनालाई स्पष्टीकरण सोधिएको जानकारी दिएका छन् । आयोगमा आज पत्रकार सम्मेलनमा उनले यस्तो जानकारी गराएका हुन् ।
नौ वटा सचेत गराइएको र एउटा ध्यानकर्षणको निर्णय भएको उनले बताएका छन् । अर्यालले आचारसंहिता अनुगमनमा नियमित अनुगमन टोली र निर्वाचन अनुगमन टोलीले कार्यान्वयनको काम गरिरहेको बताए ।
