बाँके । आफू अपहरणमा परेको भनी नाटक गर्ने नेपालगञ्ज उपमहानगरपालिका-११ बस्ने २६ वर्षीय भरत तिवारीलाई शुक्रवार प्रहरीले पक्राउ गरेको छ ।
साउन ३० गते राति आफू अपहरणमा परेको भनि ह्वाट्सएप मार्फत आफ्नो साथीहरुलाई जानकारी गराए पछि साथीहरुले प्रहरीलाई दिएको सूचनाको आधारमा अपहरणकारीको खोजतलास तथा निजको उद्दारको लागि तत्काल प्रहरी परिचालन गरी खोजतलास कार्य शुरु गरिएकोमा आज शुक्रबार डुडुवा गाउँपालिका - ५ मा लुकिछिपी बसेको अवस्था प्रहरीले पक्राउ गरेको प्रहरी उपरीक्षक तुलबहादुर कार्कीले जानकारी दिनु भयो ।
सो घटनामा थप अनुसन्धान गर्ने क्रममा निजलाई कसैले अपहरण गरेको नभई अपहरणको नाटक गरेको खुल्न आएको जिल्ला प्रहरी कार्यालय बाँकेले जनाएको छ ।
यस सम्बन्धमा प्रहरीले आवश्यक अनुसन्धान गरिरहेको प्रहरी उपरीक्षक कार्कीले बताउनु भयो ।
