काठमाडौं । नेकपा माओवादी केन्द्रका उपमहासचिव वर्षमान पुन अर्थमन्त्री बन्ने भएपछि नेप्सेले स्वागत गरेको छ । नयाँ गठबन्धन बन्ने दिन ३ पटक सर्किट ब्रेक भएको नेप्सेमा आज ९.३३ अंकले बढेको छ । सत्तागठबन्धनको भागबन्डा भैरहँदा घटेको नेप्से वर्षमान पुन अर्थमन्त्री बन्ने हल्ला सार्वजनिक भएपछि नेप्सेमा सुधार भएको हो ।नेप्से बढेर २०१७.०३ को विन्दुमा पुगेको छ ।
आज ३०८ धितोपत्रको ९१ लाख ३८ हजार १५४ कित्ता सेयर तीन अर्ब ४५ करोड आठ लाख ३८ हजार ३५७ रुपैयाँमा किनबेच भएको छ ।
यसदिन १३ उपसमूहमध्ये १० वटाको समूहगत सूचक बढेको छ । तीनवटाको समूहगत परिसूचक घटेको नेपाल स्टक एक्सचेन्जले जनाएको छ ।
दोल्टी पावर कम्पनीको सेयर मूल्य सर्वाधिक १० प्रतिशतले बढेको छ । मोलुङ हाइड्रोपावर कम्पनीको सेयर मूल्य ९.७१ प्रतिशत घटेको छ ।
