बाँके । नेकपा माओवादी केन्द्र बाँकेले नेपालगंजमा धार्मिक तथा साम्प्रदायिक सद्भाव खल्बलिन लागेको भन्दै यसप्रति सचेत हुन अपिल गरेको छ ।
मंगलबार माओबादी केन्द्र बाँकेका संयोजक नरेन्द्र पाण्डे र सचिव डिल्ली प्रसाद बरालद्धारा जारी विज्ञप्तीमा भनिएको छ, नेपालगंजमा १ लाख ४६ हजार भन्दा बढी जनसंख्या भएको विभिन्न जातजातीका मानिसहरुको बसोबास रहेको सुन्दर र शान्त साझा शहर हो । सामाजिक संजाल मार्फत केही अराजक व्यक्तिहरुद्धारा धार्मिक सहिष्णुता खलबलाउने गरी दिएको अभिव्यक्तिका कारण समाजमा पर्न गएको कठिनाईले जनजिवन कष्टकर हुन गएको प्रति दुख व्यक्त गर्दै धार्मिक तथा साम्प्रदायिक सद्भाव खल्बलिन नदिन तर्फ केन्द्रीत हुन सबै पक्ष संग अपिल गरेको छ ।
नेपालगंजमा देखा परेको धार्मिक तथा साम्प्रदायिकता खल्बलिने गतिविधिका सम्बन्धमा गृह प्रशासनलाई गम्भीर हुन जरुरी रहेको माओबादी केन्द्रले निष्कर्ष निकालेको छ ।
नेपालगंजमा आज भएको झडप र तोडफोडले अराजकताको संकेत देखापरेको भन्दै त्यसलाई गम्भीरतापूर्वक लिएर समाधान गर्न पहलकदमी लिनुपर्ने धार्मिक माओबादी केन्द्रको निष्कर्ष रहेको छ । साथै आज भएको झडपमा परी घाईते हुने सबैको सिघ्र स्वास्थ्य लाभको कामना गरेको छ ।
