काठमाडौँ। चार हजार ६८० क्याप्सुल ट्रामाडोल लागु औषध र नगदसहित एक जना पक्राउ परेका छन् ।
औषध कारोबार भइरहेको सूचना पछि जिल्ला प्रहरी परिसर काठमाडौँको टोलीले नुवाकोटको ककनी गाउँपालिका-५ हिले घर भएका वर्ष २४ का सुनिल चिम्से भनिने सुनिल गोलेलाई नियन्त्रणमा लिएको हो।
नागार्जुन नगरपालिका-३, सिता बाल विकास माध्यमिक विद्यालय नजिकै रहेको उनको डेरा कोठा खानतलासी गर्दा विभिन्न लागु औषध र नगद बरामद भएको प्रहरीले जनाएको छ।
बरामद सामग्रीमा ४ हजार ६८० क्याप्सुल ट्रामाडोल, १४५ ट्याबलेट नाइट्राजेपाम, ६० एम्पुल डाइजापाम, ५८ एम्पुल फेनार्गन, ५८ एम्पुल नुर्फिन, तीन वटा मोबाइल फोन र रु. १७,. हजार ३०० नगद रहेका छन्। उनीमाथि थप अनुसन्धान भइरहेको छ ।
