बाँके । नेकपा एमाले बाँकेले लुम्बिनी प्रदेश सभा सदस्य दुर्गा प्रसाद चौधरीले पार्टीका अध्यक्ष र महासचिवको बिरुद्धमा अभिव्यक्ति दिएको भन्दै निलम्बन गरेको छ ।
एमाले बाँकेका अध्यक्ष निरक गुरुङ्गले सांसद चौधरीलाई पार्टीको विधानको धारा ८ को ३ र ४ बमोजिम स्पष्टीकरण सोधिएकोमा उनले उल्टै सम्रग पार्टीका बिरुद्ध लिखित जावफ दिएको भन्दै कारवाही गरिएको बताउनु भयो । 
एमाले बाँकेका अध्यक्ष गुरुङ्गले भन्नुभयो,“पार्टीका अध्यक्ष तथा महासचिवको मानहानि हुने गरी सामाजिक संजालमा विभिन्न अभिव्यक्ति दिने र पार्टीको मूल्य मान्यता बिपरीत सार्वजानिक रुपमा गाली गलौज गरेको भन्दै चौधरीलाई अनुशासनको कारवाही गरिएको छ ।” उहाँले भन्नुभयो पार्टीको विधानको धारा ८१ (७) बमोजिम पार्टीको सदस्य समेत नरहने गरी निलम्बन गरिएको छ ।
