काठमाडौँ । विगत १० दिनदेखि आमरण अनसनमा बसेका डा. निकोलस भुसाल र सरकारबीचको वार्ता बिना निष्कर्ष टुंगिएको छ।
सरकारी वार्ता टोलीले डा. भुसाल पक्षका मागबारे अध्ययन गरी भोलिसम्म जवाफ दिने बताएको छ। त्यसपछि प्रधानमन्त्री सुशीला कार्कीसँग वार्ता गर्ने सहमति भएको छ।
माग पूरा नभएसम्म अनसन जारी रहने भुसाल पक्षको अडान छ। सरकारले प्रधानमन्त्री सुशीला कार्कीका प्रमुख सल्लाहकार अजयभद्र खनालको संयोजकत्वमा सरकारले वार्ता टोली गठन गरेको छ।
मुलुकमा विद्यमान भ्रष्टाचार नियन्त्रण गरी सुशासन कायम गर्नुपर्ने, जेन–जी विद्रोहमाथि भएको दमनमा संलग्नहरुलाई कारबाही गर्नुपर्नेलगायतका माग राख्दै भुसाल अनसन बसेका हुन्।
उनलाई समर्थन गर्दै विगत ९ दिनदेखि हरिश विष्ट पनि आमरण अनसनमा बसेका छन्। स्वास्थ्य अवस्था कमजोर बनेपछि उनीहरूलाई वीर अस्पतालमा भर्ना गरिएको छ।
