काठमाडौं । जारी यू-१९ एशिया कप अन्तर्गत आज दोस्रो खेलमा नेपालले पाकिस्तानको सामना गर्दै छ । आज, ओमानमा हुने यो खेल नेपाली समय अनुसार बिहान १०: ४५ बजेदेखि सुरु हुँदै छ ।
नेपालले यसअघि खेलेका दुवै खेलमा हार बेहोरेको छ । नेपाल भारत र युएईसँग पराजित भएको थियो । त्यस्तै पाकिस्तानले भने भारत र युएईलाई पराजित गरेको छ ।
यस प्रतियोगिताका लागि नेपाल क्रिकेट सङ्घ (क्यान) ले विपिन प्रसाद शर्माको कप्तानीमा १५ सदस्यीय टिमलाई पठाएको छ । नेपाली टिममा निरज कुमार यादव, प्रशिद्ध जैसी, सोहेल कुँवर, दर्श सोनार, रोहित चन्द, निश्चल क्षेत्री, आशिष लुहार, रोशन शाही, सुर्यान्शु कोइराला, अभय यादव, सुशील बहादुर रावल, नितेश कुमार पटेल, सुभम खनाल र सचिन भट्ट रहेका छन् ।
