बाँके । नेपालगञ्ज उपमहानगरपालिका वडा नम्बर ४ आँखाका रोगीहरुका लागि १ दिने निशुल्क आँखा शिबिर सुरु भएको छ । कृष्टिना मल्टि स्केल इन्ष्टिच्युटको आयोजनामा एक दिने आँखा शिविर संचालन भएको छ ।
शिबिरमा मोतिविन्दु लगायत आँखाका रोगीहरुको निःशुल्क अप्रेशन गरिनुको साथै निःशुल्क औषधि उपचार समेत गरिने आयोजकले जनाएको छ । नेपालगञ्ज उपमहानगरपालिका वडा नं ४ को सहयोगमा सुरु भएको शिविरमा स्थानीयहरुले सेवा लिरहेका छन ।
आफ्नै गाउँ ठाउमा आएर सेवा प्रदान गरेकोमा स्थानियहरु हर्षित भएका छन । नेपालगञ्ज ४ का अध्यक्ष मोहम्मद सफिक बेहनाले शिबिरको उदघाटन गर्दै वडाको विभिन्न किसिमका आँखको समस्या भएको कारण सामान्य रुपमा आफुहरुले वडाबासीहरुलाई केही सहयोग पुग्ने उद्देश्यले आँखा शिविर राखेको बताउँनुभयो ।
आँखा जाचँपछि अप्रेसन गर्नुपर्ने बिरामीका हकमा वडाले आर्थिक सहयोग गर्ने समेत बताउँनुभयो । साथै अध्यक्ष बेहनाले अन्य बिविभन्न रोगका बिरामीलाई पनि प्राथमिकता दिई समय सापेक्ष बिभिन्न शिविरको आयोजना गरिने जनकारी दिनुभयो
कार्यक्रममा वडा सदस्य इन्दिरा शाही, मेनका वैध, जयपत्रा कोरी, वडा सचिव राजकुमार कार्की, नेत्र विशेषज्ञ डाक्टर बिबेक आचार्य, राप्रपा नेता रबि बर्मा लगाएत अतिथि रहनुभएको थियो ।
