काठमाडौं । पत्रकार सरोजराज अधिकारीले आत्महत्या गरेका छन् । सुन्धाराको एक होटेलमा उनी झुन्डिएको अवस्थामा मृत भेटिएको प्रहरीले जानकारी दिएको छ ।
आत्महत्याको कारण खुल्न सकेको छैन । घटनाबारे थप अनुसन्धान भइरहेको प्रहरीले जनाएको छ । अधिकारी हराएको भन्दै उनका श्रीमतीले बुधबार काठमाडौं परिसरमा निवेदन दिएका थिए ।
उनले कान्तिपुर दैनिक, नयाँ पत्रिका, हिमाल, नेपाल लाइभलगायतका सञ्चार माध्यममा काम गरेका थिए ।
