एजेन्सी । साउदी अरब लगायतका देशहरुमा ईद-उल-फित्र अर्थात इद शुक्रबार मनाइने भएको छ। आज बिहिबार साउदी अरब लगायतका खाडी मुलुकहरुमा चन्द्रमा देखिएकाले ती देशहरुमा शुक्रबार इद मनाउने घोषणा गरिएको त्यहाँका संचारमाध्यमहरुले जनाएका छन्।
संयुक्त अरब इमिरेट (दुबई) मा सव्वाल (अरबी पात्रोअनुसार दसौँ महिना) को अर्धचन्द्रमा देखिएकाले त्यहाँ शुक्रबार इदको पहिलो दिन हुने न्युज एजेन्सीले जनाएको छ।
त्यस्तै साउदी अरब, इजिप्ट, टर्की, इराक, कतार, कुवेत, फ्रान्स, सिंगापुर, अष्ट्रेलिया लगायतका देशहरुमा पनि शुक्रबार इद मनाउने निर्णय भएको न्युज एजेन्सीले जनाएको छ।
साउदी अरब लगायतका देशहरुमा इद मनाइँएको भोलिपल्ट नेपालमा इद मनाउने प्रचलन रहँदै आएकाले नेपालमा सम्भवत शनिबार इद हुनेछ ।
उनकाअनुसार आइतबार आकाशमा चन्द्रमा देखियो भने नेपालमा सोमबार इद मनाइनेछ र उक्त दिन सार्वजनिक बिदा हुनेछ। तर आइतबार चन्द्रमा देखिएन भने मंगलबार इद पक्का हुनेछ।
