नवलपरासी पश्चिम् । जनता समाजवादी पार्टी नेपालका अध्यक्ष उपेन्द्र यादवले सीमित अधिकारका कारण नागरिकले सङ्घीयताको अनुभूति गर्न नपाएको बताउनुभएको छ । ठूल्ठूला आन्दोलनबाट व्यवस्था परिवर्तन भई मुलुकमा गणतन्त्र स्थापना भए पनि नागरिकका अपेक्षा पूरा हुन नसकेको उहाँको भनाई छ ।
सङ्गठन बिस्तार अभियानका क्रममा आज पश्चिम् नवलपरासी आइपुग्नुभएका अध्यक्ष यादवले देश सङ्घीयताको मर्मअनुसार अघि बढ्न नसकेको जिकिर गर्नुभयो । सङ्घीयताले मुलुकमा प्रदेश स्थापना भए पनि पूर्णाधिकार नदिएका कारण अझै पनि जनताले सङ्घीयताको अनुभूति गर्न नपाएको उहाँले बताउनुभयो ।
जसपाका जिल्ला अध्यक्ष धरेन्द्र यादवको अध्यक्षतामा सम्पन्न कार्यक्रम केन्द्रीय सदस्य एवं पूर्व रक्षा राज्यमन्त्री रामवचन यादव लगायतको सहभागिता रहेको थियो ।
