नरैनपुर । दसैँको अवसरमा सृजनशिल किशोरी क्लबले नरैनापुरमा शुक्रबार खुल्ला भलिबल प्रतियोगिता गरेको छ । नरैनापुर गाउँपालिकाको सहयोगमा स्थानीय जय किसान माध्यामिक बिद्यालयको प्राङ्गणमा प्रतियोगिता गरिएको हो । 
कार्यक्रमका प्रमुख अतिथी एवम् नरैनापुर गाउँपालिका अध्यक्ष इस्तियाक अहमद शाहले रेफ्रीलाई बल हस्तान्तरण गरेर उद्घाटन गरेका थिए । क्लबका अध्यक्ष अन्जली बोहराको सभापतित्वमा सम्पन्न उद्घाटन कार्यक्रममा गाउँपालिका अध्यक्ष शाह, नरैनापुर ६ का वडाअध्यक्ष बीरेन्द्रपाल सिंह लगायतले सम्बोधन गरेको बिद्यालयका शिक्षक अरुण यादवले जानकारी दिए । 
सो क्रममा प्रतियोगितामा सहभागि भएका ९ वटा टिमका खेलाडीलाई अबिर र टिका लगाएर दशैको शुभ कामना दिइएको थियो । प्रतियोगितामा ३ वटा विद्यालयका तीनवटा क्लब सहित ६ वटा टिमका महिला र पुरुष गरी ९ टिम रहेको यादवले बताए ।
