बाँके । बाँकेको जानकी गाँउपालिकामा व्यक्तिगत घटना दर्ता सप्ताह सुरु भएको छ । जानकी गाँउपालिकाले राष्ट्रिय परिचयपत्र तथा पञ्जीकरण विभागको आयोजनामा वैशाख १ गते देखि ७ गते सम्मका लागि गाँउपालिकामा व्यक्तिगत घटना दर्ता सप्ताह सुरु गरिएको हो ।
जानकी गाँउपालिकाका प्रमुख प्रशासकिय अधिकृत बस बहादुर रानाले गाँउपालिकाका सबै वडामा जन्म, मृत्यु, बसाइँसराइ, विवाह र सम्बन्धविच्छेद दर्ताजस्ता व्यक्तिगत घटनाको दर्ता सुरु गरिएको जानकारी दिनुभयो । उहाँले व्यक्तिगत घटना दर्ता सप्ताहमा सहभागी हुन सम्पूर्ण जानकीवासीलाई अनुरोधसमेत गर्नुभएको छ ।
नगरपालिकाले सामाजिक सुरक्षा भत्ता पाउन योग्यता पुगेका नागरिकलाई पनि आफ्नो विवरण वडा कार्यालयमा दर्ता गराउन अनुरोध गरेको छ ।
