काठमाडौँ- उपसभामुख इन्दिरा रानामगरविरुद्ध आज कुनै प्रस्ताव दर्ता नहुने भएको छ।
नेकपा एमालेका प्रमुख सचेतक महेश बर्तौलाले आज संसद्मा दर्ता गराउनका लागि कुनै निर्देशन नआएको बताएका छन्।
‘मिडियाहरूमा आएका समाचार हेरेको छु। उपसभामुखका विरुद्धमा कुनैपनि प्रस्ताव दर्ता गर्ने योजना र निर्देशन छैन,’ उनले भने,’ सत्तारुढ दलहरूका तर्फबाट कुनै प्रस्ताव दर्ता गर्ने मनसायबाट कुनै निर्णयमा पुगेका छैनौँ तर उहाँमाथि उठेका प्रश्नहरूबारे सोच्नुपर्छ।’
एमालेका सांसद् सूर्य थापाले पनि आज दर्ता नहुने बताएका छन्।
