बाँके । बाँकेको नरैनापुर वडा नं. २ मियापुर्वा गंगापुरमा रहेको ऐतिहासिक धार्मिक स्थल आस्तान ए हजरत खलीफा नूर अहमद शाह मजार क्षेत्रमा लगाईने मेलाको तयारी पुरा भएको छ । आउने शुक्रबारबाट मेला सुरु हुने मेलाका व्यवस्थापक रोज अलि जोलाहले जानकारी दिनु भयो ।
मेला ब्यवस्थापनको लागि ससस्त्र प्रहरी बल र नेपाल प्रहरी परिचालन गरिएको छ । त्यस्तै मेलामा आउनेहरुको लागि खानेपानी, सौचालय, विद्युत ब्यवस्थापन, मञ्च ब्यवस्थापन सम्पन्न भएको छ भने कार्यक्रम सम्पन्न गर्नको लागि सम्पुर्ण तयारी पुरा भएको आयोजक गुफरान अहमद शाहले जानकारी दिनुभयो ।
शुक्रबारबाट सुरु हुने मेलामा सांगितीक कार्यक्रम, कव्वाली आयोजना गरिने छ। कव्वालीका लागि भारतको दिल्लीबाट अलिया इण्डियन र महाराष्ट्रबाट कमरताज साबरीलाई बोलाइएको मेला आयोजकले जनाएको छ । गत बर्षको तलनामा यस बर्ष विशेष कार्यक्रमको आयोजना गर्ने भएको हुँदा हजारौ भक्तजनहरुको सहभागिता रहने आयोजकले विश्वास गरेको छ ।
