बर्दियामा प्रहरी आतंक, प्रजिअ, एसपी र भन्सार प्रमुखलाई सरुवा गर्न सांसद खानको माग

११ भाद्र २०८१, मङ्गलबार

काठमाडौं । जनमत पार्टीका उपाध्यक्ष एंव प्रतिनिधि सभा सदस्य अब्दुल खानले प्रहरीका कारण बर्दियाका सर्वसाधारण र साना व्यापारीले सास्ती भोग्नु परेको भन्दै सरकारको ध्यानाकर्षण गराएका छन् ।

सांसद खानले आज संसदमा प्रहरीको दोहोरो चरित्रका कारण बर्दियामा सर्व साधारण र साना व्यापारीले सास्ती भोग्नु परेको उल्लेख गर्दै उहाँले गत साउन ३० गते मधुबन र बारबर्दियामा खरिद गरेको खसीलाई गुलरिया ल्याउने क्रममा प्रहरीले नियन्त्रणमा लिई ३१ गते लिलाम गरि पुनः३२ गते लिलाम गरि जफत गरेर सर्वसाधारणलाई दुख दिने गरेको कार्यको निन्दा गर्दै बर्दियाका प्रमुख जिल्ला अधिकारी र प्रही उपरिक्षकलाई अविलम्ब सरुवा गर्न सभामुख मार्फत गृह मन्त्री संग आग्रह गरे ।

नियन्त्रणमा लिएका बस्तु भाउहरुको विषयमा सिडियोलाई बुझ्दा, एसपी संग बुझ्नुस भन्ने अनि एसपीलाई सोद्धा इलाका प्रहरी चौकीमा जानु भनेर प्रहरीहरु तर्किने गरेको बताए ।

उनले प्रहरीले सांगठनिक चक्रव्युहमा जनतालाई फसाउने र दुख दिने काम भएको भन्दै रोक्नका लागि गृह प्रशासनको ध्यानाकर्षण गराएका छन् ।

उनले बर्दिया जिल्लाको प्रमुख जिल्ला अधिकारी, एसपी र भन्सार कार्यालयका प्रमुखलाई कार्यवाही गरि, जनसेवक कर्मचारीहरुलाई पठाई कामकाज गराउन पनि माग गरेका छन् ।