बाँके । सामाजिक सञ्जाल तथा विभिन्न माध्यममा नरैनापुर गाउँपालिकाका २ जना वडा अध्यक्षहरूले राजिनामा दिएको भन्ने हल्ला फैलिएको प्रति गाउँपालिकाका प्रवक्ता मसुद अहमद शाहको गम्भीर ध्यानाकर्षण भलको जनाएका छन् ।
गाउँपालिकाका प्रवक्ता शाहले सामाजिक संजाल फेसबुकमा स्टाटस लेख्दै भनेका छन्, हलसम्म नरैनापुर गाउँपालिकाभित्र कुनै पनि वडा अध्यक्षले राजिनामा नदिएको स्पष्ट पार्न चाहन्छु । राजिनामा दिएको भनिएको कुरा असत्य हो ।
प्रवक्ताले सामाजिक सञ्जालमा अपुष्ट तथा आधारहीन सूचना फैलिनुले जनमानसमा भ्रम सिर्जना गर्ने भन्दै यसप्रति सचेत रहन आग्रह गरेका छन् ।
