बाँके । नेपालगन्ज उपमहानगरपालिका वडा नं.४ स्थित रहेको मदरसा लिलबनात (गल्स स्कुल) मा बालिकाहरुलाई शैक्षिक सामाग्री प्रदान गर्न भएको छ । बालबालिकाहरुको शैक्षिक गुणस्तरीय अभिवृद्धिका लागि शैक्षिक समाग्री बितरण गरीएको हो।
बालिकाहरुको समग्र शिक्षामा सुधार तथा शिक्षा क्षेत्रलाई मजबुत पार्ने उद्देश्यका साथ शैक्षिक सामग्री समाजसेवि जावेद अलि मार्फत बिद्यार्थीहरुलाई ब्याग, बेन्च १० थान, वाइट बोर्ड ३ थान, कर्सि १ थान, पानी डिस्पेन्शर मेशिन १ थान लगायतका शैक्षिक सामग्रीहरु हस्तान्त्रण गर्नु भएको थियो।
२०० जना बालिकाहरु ६ जना शिक्षकले उक्त मदरसामा अध्यापन गराई रहनु भएको इरफान अलिले बताउन भयो । उहाँले शिक्षाको बिकास भए मात्र भबिष्य राम्रो हुने उद्देश्यले उक्त सामाग्री हस्तान्त्रण गरेको बताउनु भएको थियो ।
मदरसा लिलबनातका अध्यक्ष सलमा खातुन हल्वाईले मदरसाहरुको अवस्था नाजुक रहेको बताउनु भयो । स्थानीय सरकारले मरदसाहरुलाई व्यवस्थित रुपमा संचालनका लागि भूमिका निर्वाह गर्न जरुरी रहेको बताउनु भएको थियो ।
