काठमाडौं । महानगर, उपमहानगरसहितका स्थानीय तहमा उम्मेदवार भागवण्डाको छिनोफानो गर्न अहिले सत्ता गठबन्धनको बैठक जारी छ ।
प्रधानमन्त्रीको सरकारी निवास बालुवाटारमा जारी बैठकले उम्मेदवारको सिटको बाँडफाँटबारे निर्णय गर्नसक्ने स्रोतले जनाएको छ । नेकपा माओवादी केन्द्रले भरतपुर महानगरपालिकासहित धरान, जितपुर, सिमरा, हेटौँडा र घोराही उपमहानगरपालिकामा र एकीकृत समाजवादीले पोखरा महानगरमा दाबी गर्दै आएको छ ।
हिजो बसेको गठबन्धनको बैठकमा माओवादी केन्द्रले एक महानगर र चार उपमहानगरपालिका, नेपाली कांग्रेस, माओवादी केन्द्र, नेकपा एकीकृत समाजवादी, जसपा र जनमोर्चाले ६ वटा महानगर र ११ वटा उपमहानगरपालिमा आ–आफ्नै अडान कायम राखेका थिए ।
