बाँके । नेपालगन्ज उद्योग वाणिज्य संघका प्रवक्ता टंक धामीलाई प्रहरीले पक्राऊ गरेको छ । राजश्व अनुसन्धान कार्यालय कोहलपुरका एक जना कर्मचारीमाथि छापा मार्ने क्रममा घाटी थिचेर मार्न खोजे आरोप छ ।
कर्मचारीले उजुरी दर्ता गरे पछि धामीलाई पक्राउ गर्न प्रहरीले पक्राऊ पुर्जी जारी गरेको दोस्रो दिन राजनितिक संरक्षणमा धामी जिल्ला प्रहरी कार्यालय बाँकेमा पुगे पछि अनुसन्धानका लागि थुनामा राखेको छ ।
आइतबार राजश्व अनुसन्धान कार्यालय कोहलपुरका कर्मचारी बाबुराम पन्थी सहितको टोली घरबारीटोलमा रहेको एक पसलमा पुगेर छापा मारेको समयमा धामी उक्त पसलमा पुगी कर्मचारीको घाटी थिचि रहेको भिडियो सार्वजनिक भएको थियो ।
