सिरहा । मधेश प्रदेशका निवर्तमान प्रदेश प्रमुख डा.राजेश अहिराजले जिल्लाको लहानस्थित एक मदरसामा शैक्षिक सामग्री प्रदान गरेका छन् ।
सिरहाको लहान बजार–५ स्थित बुधबार दारुल ओलूम हनफीया अश्रफिया मदरसाका करिब एक सय विद्यार्थीहरुलाई राष्ट्र निर्माता पृथ्वीनारायण शाहको तश्वीरसहितको उत्तरपुस्तिका निवर्तमान प्रदेश प्रमुख डा.अहिराजले वितरण गरेका हुन् ।
साथै, डा.अहिराजले गुरुवर्ग, समाजका अगुवा र सञ्चारकर्मीहरुलाई नेपालको झण्डा अंकति लोगोसमेत वितरण गरेका थिए ।
मदरसामा स्थानीय, प्रदेश वा संघीय सरकारबाट उचित सहयोग प्राप्त नभइरहेको गुनासो गुरुवर्गले डा.अहिराज सामु राखेका थिए ।
डा.अहिराजले स्वास्थ्य र शिक्षामा निःशुल्क र समानस्तरमा सबैको पहुँच हुनु राज्यको दायित्व रहेका बताएका थिए । उनले लोकतन्त्र सही मतलब पनि यही रहेको बताएका थिए । उनले भने नेपालमा रहेका मदरसाहरुका बारेमा केहि बिबादित व्यक्तिहरुले समय समयमा दिँदै आएको अभिव्यक्ति प्रति चिन्ता व्यक्त गर्दै मदरसा शिक्षाले राज्य प्रति बालबालिकाको प्रे् बढने गरेकोले मदरसालाई सरकारी करण गर्न जरुरी रहेको बताए ।
