बाँके । बाँकेको खजुरा गाउँपालिकाका प्रमुख प्रशासकीय अधिकृत मणिराम खराल र लेखा अधिकृत प्रदिप सुनारले गाउँपालिकाकै महिला कर्मचारीलाई यौन दुर्व्यवहार गरेको भनिएको घटनामा कुनै सत्यता नरहेको गाउँपालिकाले जनाएको छ ।
युथ टुडे न्युज संग कुरा गर्दै प्रमुख प्रशासकीय अधिकृत खरालले, गत शुक्रबार टिकापुर पिकनिक गए पनि कसैलाई कुनै प्रकारले दुर्व्यवहार नगरेको बताएका छन् ।
आज बुधबार खजुरा गाउँपालिकाका केहि युवाहरुले पिकनिकको समयमा महिला कर्मचारीलाई दुर्व्यवहार गरेको भन्दै गाउँपालिका कार्यालय घेराउ गरे पछि प्रहरीले भिडलाई हटाएको छ भने पिडित भनिएकि महिलाको परिवार र पालिका बिच छलफल भइरहेको स्रोतले जनाएको छ ।
