बाँके । डुडुवा गाउँपालिकाले जेनजी आन्दोलनका क्रममा ‘शहिद’ भएका नेपालगन्जका युवा स्वर्गीय शुलभराज श्रेष्ठ र आयुष थापासहित सहादत प्राप्त गरेका व्यक्तीहरुको सम्झनामा बृहत श्रद्धाञ्जली सभा गरेको छ ।
गाउँपालिका कार्यालय परिसरमा आज आइतबार आयोजित श्रद्धाञ्जली सभालाई सम्बोधन गर्दै गाउँपालिका अध्यक्ष नरेन्द्रकुमार चौधरीले डुडुवा गाउँपालिकाले जेनजी आन्दोलनमा शहादत प्राप्त गरेका बाँकेका युवा शुलभराज श्रेष्ठ र आयुष थापाको परिवारलाई एक लाख एक हजार रुपैयाँका दरले सहयोग उपलब्ध गराउने घोषणा गर्नुभयो ।
श्रद्धाञ्जली सभामा गाउँपालिका उपाध्यक्ष साहिदा बानो, वडाअध्यक्षहरु, कार्यपालिका सदस्य, वडा सदस्यसहित करिव दुई हजारको संख्यामा स्थानीयहरुको उपस्थिती रहेको थियो । सो क्रममा जेन–जी आन्दोलनमा सहादत प्राप्त गरेकाहरुको सम्झनामा एक मिनेट मौन धारण समेत गरिएको थियो ।
