कोहलपुर । कोहलपुर नगरपालिकामा एमालेका मेयरका प्रत्यासी खिल प्रसाद भुषालले बालबालिका प्रयोग गरेका छन् ।
कोहलपुर नगरपालिका १२ मा घरदैलो कार्यक्रममा बालबालिकाहरुलाई पैसाको प्रलोभन देखाएर घरदैलोे कार्यक्रममा दौडाएका छन् । एक बालकले भने, नाम नलेदिनुहोला, मेरा नाम भन्यो भने मलाई मार्छन् त्यसैले मेरो नाम गोप्य राख्नुहोला भन्दै भने, दैनिक एक हजारको दरले पैसा दिन्छन् त्यसैले एमालेको झण्डा बोकेर गाडिमा हिडेको बताए ।
यस्तै अर्को बालिका पनि नाम खुलाउन चाहिनन्, तर उनी चप्परगौडी स्कुलमा अध्ययन गर्छिन, उनले भनीन् मःम, चाउमिन, कोक लगायतका सामानहरु दिन्छन् घर बस्नुभन्दा अहिले प्रचारप्रसारमा हिडेपछि पैसा पनि दिन्छन्, खानेकुरा पनि दिन्छन् त्यसैले प्रचारप्रसारमा हिडेको बताए ।
कोहलपुर निर्वाचन आयोगका प्रमुख तिर्थराज भट्टलेका अनुसार बालिबालिका प्रयोग गर्नु आचारसंहिता उलङ्घन गर्नु मात्र होइन अपराध गर्नु सरह भएको बताएका छन् । एमालेलाई सो सम्बन्धमा स्पष्टिकरण सहित उपस्थितका लागि चिठि काट्ने उनको भनाई थियो ।
यता मानव अधिकारवादी संस्था मानव अधिकार संरक्षण तथा प्रवर्द्धन केन्द्र (हुरीपप) ले बालबालिकाको प्रयोग गर्ने दल, व्यक्तिलाई कानुनी दायरामा ल्याउन माग गरेको छ ।
निर्वाचन प्रचार प्रसारमा बालबालिकाको प्रयोग नगर्न हुरीपपले पटक पटक आग्रह गरे पनि बाँके लगायतका जिल्लामा निर्वाचन आचारसंहिताको उल्लघंनकर्ताहरुलाई कार्वाही नगर्नु चिन्ताको बिषय भएको बताउदै हुरीपपका केन्द्रीय अध्यक्ष आलम खानले निर्वाचन आचारसंहिताको उल्लघंन नगर्न सम्बन्धित पक्षको ध्यानाकर्षण गराउनु भएको छ । उहाले निर्वाचनका समयमा पनि मानव अधिकारको मुल्यमान्यताको समेत ख्याल गरिदिन आग्रह गर्नु भयो ।
