बाँके । नेपालगन्जको वडा नम्बर ४ मा शनिबार आँखा शिबिर हुने भएकाे छ । नेपालगन्ज वडा नम्बर ४ को सहयोगमा शनिबार निशुल्क आँखा शिबिर हुन लागेको अध्यक्ष मो. सफिक बेहनाले युथ टुडे न्युजलाई जानकारी दिनु भयो ।
“स्वास्थ नै धन हो” नारालाई आत्मसाथ गर्दै आयोजना हुन लागेको सो शिविरले वडा नं ४ र आसपासका स्थानियलाई मद्दत पुग्ने वडा अध्यक्ष बेहनाले विश्वास लिनु भएको छ ।
उहाँक अनुसार शनिबार हुने निशुल्क आँखा जाँच शिबिरबाट आँखामा गम्भीर समस्या भएका बृद्धबृद्दाहरु पहिचान गरि उनिहरु मध्य अतिविपन्नहरुलाई अपरेशन गरिने बताउनुभयो ।
नेपालगन्ज वडा नम्बर ४ को सहयोगमा हुने आँखा शिबिरमा सबै वडाबासीहरुलाई आँखा जाँच गराउन अध्यक्ष बेहनाले अपिल गर्नु भयो । आँखा शिबिरमा आँखा विशेषज्ञहरुले आँखा जाँच गर्नेछन् ।आँखा शिबिर वडा कार्यालयको परिसरमा शनिबार बिहान १० बजे देखि सुरु हुने अध्यक्ष बेहनाले जानकारी दिनुभयो ।
