बाँके । राप्ती सोनारी गाउँपालिकाले एक जना दृष्टिवीहिन विद्यार्थीलाई पठनपाठनमा सहज पु¥याउने उद्देश्यले ल्यापटप बितरण गरेको छ ।
गाउँपालिका उपाध्यक्ष मनिषा सिंह थारुले राप्ती सोनारी ५ बिनौनाका आशाराम थारुलाई एक थान ल्यापटप हस्तान्तरण गरेकि हुन् ।
बिल दोस्रो बर्षमा अध्ययरत थारु दृष्टिविहीन हुन् । बिपन्न परिवारका थारु नेपालगञ्ज स्थित महेन्द्र बहुमुखी क्याम्पसमा अध्ययरत छन् । ब्रेनलिपीको साहयतादेखि अध्ययन गर्दै आएका उनलाई कम्प्युटर आवश्यक परेपछि उनलाई पठनपाठनमा सहज होस भन्ने उद्देश्यले गाउँपालिकाले एक थान ल्यापटप वितरण गरेको उपाध्यक्ष मनिषा सिंह थारुले बताइन । गाउँपालिकाले जेहन्दरा र विपन्न परिवारका विद्यार्थीहरूलाई छात्रवृतिको साथै विभिन्न खाले सहयोग पनि गर्दै आएको छ ।
ल्यापटप पाएपछि पठनपाठनमा थप सहजता पुग्ने दृष्टिविहीन विद्यार्थी थारुले बताए । ‘प्रविधिको विकास भएपछि पठनपाठनमा हामीलाई पनि अहिले सहज भएको छ,’ उनले भने, ‘ल्यापटप पाएपछि उच्च शिक्षा हासिल गर्न मलाई थप सहयोग र हौसला मिलेको छ ।’
