बाँके । बाँकेको नेपालगंजमा जनमत पार्टीको दशै तिहार तथा छठ पर्वको शुभकामना आदान प्रदान तथा चियापना कार्यक्रम सम्पन्न भएको छ । जनमत बाँकेको आयोजनामा कार्यक्रममा सम्पन्न भएको हो ।
जनमत पार्टी बाँकेका इन्चार्ज बिष्णु यादवको अध्यक्षतामा भएको कार्यक्रममा जनमतका केन्द्रीय उपाध्यक्ष एंव प्रतिनिधिसभा अन्तर्गतको उद्योग तथा वाणिज्य र श्रम तथा उपभोक्ता हित समितिका सभापति तथा पूर्व मन्त्री अब्दुल खान प्रमुख आतिथी रहेका थिए ।
कार्यक्रमका प्रमुख अतिथि खानले उपस्थित सबैलाई दशै तिहारको शुभकामना दिदै असत्य र अन्यायको लडाईमा न्यायको जित भएको दिनलाई दशमीका रुपमा मनाउने हुदाँ यस पर्वले महिलाको शक्तिलाई देखाएको बताए । उनले जिवन, घरपरिवार र समाजलाई जोड्ने आफ्नो कला, सस्कृति, भेषभूषालाई कहिले भुल्न नहुने बताए । उनले आफ्नो ईतिहासलाई भूलेमा सबै कुरा नष्ट हुने भएकाले ईतिहास जोगाइराख्न सबैलाई लाग्नुपर्ने जिकिर गरे । पछिल्लो समय दशै तिहार जस्ता महान चार्डलाई हेर्ने दृष्टिकोण पनि फरक हुदै गएकोले यसलाई नकारात्मक र सकारात्मक रुपमा हेर्न थालिएको बताए ।
पूर्व खानेपानी मन्त्री समेत रहेका सभापति खानले आफुहरु अहिले पनि समृद्ध नेपाल सुखी नेपालीको नारालाई आत्मसात गर्दै अगाडी बढिरहेको बताए । उनले जब सम्म सम्पूर्ण नेपालीहरुको पहुँच शिक्षा,स्वास्थ्य, खानेपानी, रोजगार जस्ता कुराहरु जोडिदैनन तब सम्म देश समृद्ध नहुने र नेपालीहरु खुसी नहुने भएकाले अहिले यसै कुरालाई जोड दिएर अगाडी बढिरहेको बताएका थिए । उनले जनमतलाई बलियो बनाउन स्वार्थ भन्दा माथि उठेर लाग्न कार्यकर्ताहरुलाई निर्देशन समेत दिएका थिए ।
कार्यक्रममा जनातका केन्द्रीय सचिव राधा यादव, केन्द्रीय सदस्यहरु संविधान सभा सदस्य सन्ध्य देब, सत्यवती कुर्मी, पहलाद यादव, दिपक पासी, तेज नारायाण कणेल लगायतका नेताहरुले शुभकामना दिएका थिए । जनमतका नेता नारायाण पालले स्वागत मन्तब्य राखेको कार्यक्रमको संचालन रोहित चौहानले गरेको जनमतका सहसचिव रियाज अन्सारीले जानकारी दिए ।
